Լոռու մարզի 10 հասարակական հաստատություններ, այդ թվում՝ ուսումնական, առողջապահական, մշակութային կենտրոններ սկսել են օգտագործել արևային էներգիան

2024 թվականի դեկտեմբերի 11-ին Լոռի-Փամբակ երկրագիտական թանգարանում կայացավ հայ-լիտվական բարեգործական ծրագրի շրջանակում Լոռու մարզի 10 արևային կայանների բացման արարողությունը։

Նկար 1

Արդեն ավանդական դարձած բացման արարողությանը ներկա էին մարզային կառավարման և տեղական ինքնակառավարման մարմինների, «ՕՀՄ Էներջի» և «Solet» ընկերությունների ներկայացուցիչները։

Նկար 2

Միջոցառոման ընթացքում ընդգծվել է վերականգնվող էներգիայի աղբյուրների և երկրների միջև համագործակցության կարևորությունը։

Տեղադրված 140 կՎտ հզորությամբ արևային կայանները տարեկան կարտադրեն ավելի քան 174 հազար կՎտ/ժ էլեկտրաէներգիա, ինչը կազմում է նշված հաստատությունների տարեկան էլեկտրաէներգիայի պահանջարկի 87%-ը։ Այս էլեկտրակայանները ոչ միայն էլեկտրաէներգիա են տրամադրում, այլև հնարավություն են տալիս կրճատելու ծախսերը։

Նկար 3

2018 թվականից «Solet» ընկերությունն իրականացրել է շուրջ 20 երկկողմանի զարգացման համագործակցության ծրագիր այլ երկրներում՝ Սակարտվելոյում, Մոլդովայում, Հայաստանում, Նիգերիայում, Ուկրաինայում՝ տեղադրելով ավելի քան 85 արևային կայաններ դպրոցներում, մանկապարտեզներում, հիվանդանոցներում և այլ հաստատություններում։

Ծրագրերն իրականացվում են «Զարգացող երկրներում կլիմայի փոփոխության մեղմման և կլիմայի ադապտացման համար լուծումների և տեխնոլոգիաների ներդրմամբ՝ փոխանցելով լիտվական փորձը» ծրագրի շրջանակներում։