06.04.2023

𝐀𝐫𝐦𝐞𝐧𝐢𝐚𝐧 𝐟𝐮𝐬𝐢𝐨𝐧 𝐬𝐨𝐥𝐚𝐫 𝐝𝐚𝐲 խորագրով միջոցառումը Armenia Mariott Hotell-ում

Huawei և Photomate ընկերությունները ապրիլի 3-ին «Արմենիա Մարիոթ»-ում անցկացրեցին 𝐀𝐫𝐦𝐞𝐧𝐢𝐚𝐧 𝐟𝐮𝐬𝐢𝐨𝐧 𝐬𝐨𝐥𝐚𝐫 𝐝𝐚𝐲 խորագրով միջոցառումը:

Միջոցառմանը ներկա էին ՀՀ-ում գործող արևային էներգետիկայի մատակարար ընկերություններ, կառավարության ներկայացուցիչներ, բանկերի և այլ ֆինանսական ոլորտների ներկայացուցիչներ։
Միջոցառմանը մասնակցում էին նաև «ՕՀՄ ԷՆԵՐՋԻ» ընկերության ներկայացուցիչները, մասնավորապես՝ համահիմնադիրներ Սևակ Գևորգյանը, Հրանտ Գնունին, Գևորգ Հախվերդյանը, Վրաստանի մասնաճյուղի տնօրեն Իրակլի Ուբիլավան և Մարքեթինգի բաժնի ղեկավար Գարրի Ղազարյանը։

Միջոցառումը հրաշալի հնարավորություն էր գործընկերների հետ շփվելու և մասնագիտական քննարկումներ իրականացնելու համար։

Պանելային քննարկման ժամանակ «ՕՀՄ ԷՆԵՐՋԻ» ընկերության անունից հանդես եկավ Վրաստանի մասնաճյուղի տնօրեն Իրակլի Ուբիլավան։ Վերջինս անդրադարձավ Վրաստանում «ՕՀՄ ԷՆԵՐՋԻ» ընկերության աշխատանքներին։ Նա հայտնեց, որ Վրաստանում ընկերությունն արևային էներգետիկայի ոլորտում ահռելի աշխատանքներ է իրականացնում, նաև խոսեց Վրաստանում արևային համակարգերի ֆինանսավորման առավելությունների և թերությունների մասին, նշեց, թե որ ընկերությունները կամ անհատներն են առավել հակված ունենալու նման համակարգեր և ներկայացրեց կարևորությունները։

Իրակլի Ուբիլավան նաև մանրամասն ներկայացրեց մինչ այս պահը իրականացված աշխատանքները և անդրադարձավ 2023 թվականի շարունակական նախագծերին, ինչպես նաև նշեց ընկերության ձեռքբերումներն ու նախանշեց մոտակա նպատակները։

Ուբիլավան ընդարձակ ներկայացրեց Վրաստանում տիրող իրավիճակը՝ անդրադառնալով շատերին հետաքրքրող թեմաներին։

Այլընտրանքային էներգիան Վրաստանում նոր է զարգանում և ըստ Ուբիլավայի՝ այնտեղ լայնածավալ աշխատանքներ իրականացնելու անհրաժեշտություն կա։ Նրա խոսքով՝ ուղղության զարգացման համար բազմաթիվ քայլեր են ձեռնարկվում, որոնք շուտով իրենց արդյունքը կունենան։ ֆինանսական համակարգերն էլ իրենց հերթին են կազմակերպում քննարկումներ և կառավարության հետ համատեղ աշխատանքներ իրականացնում։

Ուրախ էինք մեր մասնակցությունն ունենալ միջազգային այս միջոցառմանը և շփվել մեր գործընկերների հետ։

Իրակլի Ուբիլավայի ամբողջական ելույթը դիտե՛ք տեսանյութում՝