Արևային էներգիայի զարգացման դինամիկան։ «Ռադիո Մարշալ», FM 103․5

Արևային համակարգեր նախագծող և տեղադրող «ՕՀՄ Էներջի» ընկերության համահիմնադիր, կոմերցիոն տնօրեն Գևորգ Հախվերդյանը և վաճառքի բաժնի ղեկավար Վահան Օհանջանյանը հյուրընկալվեցին Ռադիո Մարշալ - ի «Ամեն Առավոտ» հաղորդմանը, որտեղ քննարկվեց արևային էներգիայի զարգացման դինամիկայի և դրանց առավելությունների մասին։

Մինչև 2016թ-ը տեղակայվել էր ընդհանուր 200կՎտ դրվածքային հզորությամբ արևային կայաններ՝ ներառյալ մի քանի պիլոտային նախագծեր։ Սակայն, 2017թ-ին միայն ինքնավար արտադրողների տեղակայված գումարային հզորությունը կազմում էր 1,96 ՄՎտ, իսկ համակարգային, այսինքն՝ վաճառող էլեկտրակայանների հզորությունը կազմում էր 64,9կՎտ։ Իսկ արդեն 2018թ․-ին միայն 7,9ՄՎտ կազմում էր ինքնավար արտադրողների հզորությունը, իսկ համակարգային կայանների գումարային հզորությունը՝ 7ՄՎտ։

2019թ․-ին նույնպես տեղակայվող հզորությունները աճում էին՝ ինքանավար արտադրողներինը կազմելով 32,9ՄՎտ, իսկ բիզնես նպատակի համար տեղադրվածներինը՝ 10ՄՎտ։

2020թ․-ին արդեն կարելի է ասել կրկնապատկվում է նախորդ տարվա նկատմամբ տեղադրված հզորությունները՝ ինքնավարների բաժինը կազմելով 76,8ՄՎտ և համակարգային կայաններինը՝ 16,7ՄՎտ։

2021թ․-ին հունվար ամսվա դրությամբ միայն սեփական սեկտորի համար տեղակայված էր մոտ 125ՄՎտ, իսկ համակարգային կայանների համար 46ՄՎտ հզորություններ։

Արդյունքում, ստացվում է, որ 5 տարվա ընթացքում, միայն տնային տնտեսության և կոմերցիոն սեկտորում տեղակայվել է ավելի քան 125 ՄՎտ հզորությամբ կայաններ, որոնց գումարային միջին տարեկան արտադրանքը կազմում է մոտ 187,500,000 կՎտժ էլեկտրաէներգիա։

Ամբողջական հարցազրույցը տեսանյութում՝