Ինչո՞ւ «Օհմ Էներջի»-ն ընտրեց հենց «AE Solar» արևային վահանակները

Պրոֆեսիոնալ և փորձառու կառավարումը, լավագույն բաղադրիչ տարրերը և ամենախիստ միջազգային ստանդարտներն ստեղծում են «AE Solar» արտադրական բրենդը և զարկ տալիս գերմանական որակին։

Արևային ֆոտովոլտային կայանի ամենակարևոր բաղադրիչներից են վահանակները։ Վահանակի միջոցով արևից ստացած էներգիան վերածվում է էլեկտրական հաստատուն հոսանքի էներգիայի, որը ինվերտորի միջոցով կերպափոխվում է փոփոխական հոսանքի (միաֆազ 220Վ կամ եռաֆազ 380Վ), և որն էլ օգտագործվում է մեր կենցաղում, արտադրական օբյեկտներում և այլ սպառման համակարգերում։ Այստեղ կարևոր են վահանակների որակը, դրանց արտադրման հոսքագծերի արդյունավետությունը և միջազգային սերտիֆիկացումները։ Եվ որպեսզի տեղադրեք բացառապես բարձր դասի արևային վահանակներ, «AE Solar»-ն առաջարկում է միջազգային ստանդարտների ամենախիստ պահանջներին համապատասխան լուծումներ վերականգնվող էներգետիկայի ոլորտում։

Արտադրական գործընթացներ և սերտիֆիկատներ

«AE Solar»-ն իր հաճախորդներին է առաջարկում արևային վահանակների լայն տեսականի՝ համապատասխանելով «Tier 1» սերտիֆիկացումներին։ Առաջին դասի արևային վահանակները պատրաստված են ամենաբարձր որակի սիլիցիումային հումքերով, ավելին, արտադրության գործընթացը կարգավորելու համար «Tier 1» արտադրողներն օգտագործում են առաջադեմ ռոբոտային մեթոդներ՝ նվազեցնելով կամ վերացնելով մարդկային սխալներն արտադրական գործընթացներում։ Ընկերության արտադրական հզորությունը համալրված է վերջին սերնդի ավտոմատացված և ռոբոտացված հոսքագծերով (նկ․1) , որոնք ունեն 62 000 մ² ընդհանուր մակերես, և տարեկան հոսքագծային հզորությունը կազմում է 1․8 ԳՎտ։

Մասնագիտացված լինելով վերականգնվող էներգետիկայի ոլորտում՝ գերմանական «AE Solar»-ն աշխարհում առաջինը ներկայացրեց նոր սերնդի «Smart Hot-Spot Free» ստվերակայուն և հրդեհակայուն արևային վահա­նակները, որը «PV Magazine» - ի կողմից տարվա «Լավագույն ինովացիա» անվանակարգում ճանաչվեց հաղթող։ Այս տեսակի արևային վահանակներն աշխարհում միակն են, որ ստվերների առկայության դեպքում կարողանում են ապահովել մինչև 30% ավել էլեկտրաէներգիայի արտադրություն։ Շնորհիվ յուրաքանչյուր բջջի շրջանցող դիոդների (bypass diode)` ստվերապատ վահանակները զերծ են հրդեհներից և կարող են արտադրել ավելի շատ էլեկտրաէներգիա, քան ստանդարտ մյուս վահանակները։

«AE Solar» գործարանի ավտոմատացված հոսքագծերն ապահովում են ճշգրիտ աշխատանք վահանակների արտադրության յուրաքանչյուր բլոկում՝ սկսած առաջին տեսողական ստուգումից մինչև վերջնական լաբորատոր թեստավորումներ։ Բոլոր արտադրական գործընթացները վերահսկվում են կենտրոնացված համակարգով, և յուրաքանչյուր ռոբոտ կամ սարքավորում հայտնաբերում է ցանկացած թերություն։ Բարձր որակավորում ունեցող ինժեներներն ու օպերատորները վերահսկում են ավտոմատացված ամբողջ գործընթացը։ Արտադրամասերը հագեցած են նորագույն սարքավորումներով, որոնք ապահովում են ջերմաստիճանի, խոնավության և փոշու ավտոմատացված կառավարումը, որը շատ կարևոր է արևային վահանակների արտադրության համար:

Մոնտաժման յուրաքանչյուր փուլ ավարտվում է որակի ստուգմամբ՝ համոզվելու համար արդյոք չկան ներքին թերություններ, ինչպիսիք են՝ միկրո ճաքերը (նկ․2), սև կետերը, ցածր արդյունավետություն ունեցող բջիջները, մշակման և զոդման թերությունները, ներքին օտար մարմինները, բջջային բացերը, անկյունային թերությունները, կոտրվածքները, քերծվածքները և այլն: Ընկերության փորձարկման կայանները համապատասխանում են «AAA+» ստանդարտներին։

Բոլոր արտադրական միավորներն ու գործընթացները փորձարկվում և սերտիֆիկացվում են միջազգային որակավորում ունեցող կառույցների կողմից՝ որակի, կառավարման համակարգի, անվտանգության և արդյունաբերության ամենախիստ միջազգային ստանդարտներին համապատասխան։ Սերտիֆիկատները տրամադրվում են այն բոլոր ապրանքներին և ծառայություններին, որոնք էլ համապատասխանում են ֆինանսական կառույցների կամ ֆինանսավորող ֆոնդերի, տեխնիկական վերահսկողություն իրականացնող միջազգային ընկերությունների ամենախիստ պահանջներին։

«AE Solar»-ն առաջին ընկերությունն է, որն արտադրում է ստանդարտ և կրկնակի ապակիով (double glass) վահանակներ՝ օգտագործելով այս տեխնոլոգիայի միաբյուրեղ և բազմաբյուրեղ բջիջները: Այն անցել է բազմաստիճան թեստավորում աշխարհում առաջատար «Fraunhofer CSP» գիտահետազոտական ինստիտուտի փորձագետների կողմից:

Ֆինանսական և ներդրումային վերլուծությունների մատակարար «Bloomberg» - ն արևային վահանակները բաժանում է երեք մակարդակի՝ «Tier-1», «Tier-2» և «Tier-3»: Այս համակարգը հիմնված է արևային նախագծերի հուսալիության մակարդակի վերլուծության վրա: Իրենց որակի շնորհիվ «Bloomberg Tier-1» արևային վահանակներն ամենավաճառվող կատեգորիան են: «AE Solar» վահանակներն ունեն «Tier-1» սերտիֆիկացումները։

Ընկերությունը երաշխավորում է ֆոտոէլեկտրական մոդուլների ամենաբարձր և լավագույն արտադրողականություն՝ օգտագործելով միայն բարձրակարգ հումք և բաղադրիչ տարրեր աշխարհի հեղինակավոր մատակարարներից: Շատ արտադրողների համեմատ սրանք բացառիկ են՝ շնորհիվ ֆոտովոլտային վահանակների լայն տիրույթների՝ տարբեր արտադրողականության և տեխնոլոգիաների տեսանկյունից։ Արտադրական գործընթացին ավելի մանրամասն կարող եք ծանոթանալ տեսանյությում ՝

Արտադրանքի տեսականին անընդհատ փոխվում է՝ հաճախորդներին մատուցելով ժամանակակից արտադրության մեջ առկա նորագույն տեխնոլոգիաները: Ընկերության հետազոտական և զարգացման թիմերը ստեղծում են նորագույն տեխնոլոգիաներ, որոնք հետևողականորեն մշակվում և ներդրվում են արտադրական գործընթացներում։ Մինչ շուկայում հայտնվելը, դրանք անցնում են ներքին և երրորդ կողմի գործնական թեստավորումները։

«AE Solar»-ի արտադրական հոսքագիծը նախագծվել և շահագործվել է բացառապես այսօրվա շուկայի կարիքների համար՝ ապահովելով բարձր և պրեմիում դասի ամենախիստ պահանջները: Այստեղ կարգավորվում և վերահսկվում է յուրաքանչյուր վահանակ, անցնելով նույնիսկ միկրոթեստավորման գործընթացները՝ առաջարկելով գին-որակ լավագույն համադրությունը։

Արևային վահանակները և ինվերտորներն ամենակարևոր բաղադրիչներն են ֆոտովոլտային համակարգերում, մասնավորապես, վահանակները պատասխանատու են էլեկտրաէներգիայի արտադրության քանակի համար, իսկ ինվերտորը՝ հիմնականում որակի։ Դրանց ընտրությունն էական նշանակություն ունի արևային կայանի ընդհանուր արժեքի մեջ, և, հետևաբար այս հարցին պետք է վերաբերել արդարացված և օպտիմալ ձևով ։ Եթե դիտարկելու լինենք արևային վահանակ արտադրող երկու տարբեր ընկերությունների առաջարկներ, ապա առաջին հայացքից կնկատենք, որ այդ վահանակներն արտաքնապես գրեթե նույնն են, սակայն, տարբեր են դրանց գները. սա նշանակում է, որ գնի ձևավորման հարցում կարևոր են օգտագործված նյութերի տեսակները, արտադրական հոսքագծերի ժամանակակից տեխնոլոգիաների կիրառումը և, իհարկե, իրատեսական երաշխիքները։ Փոփոխվող բնակլիմայական պայմանները լուրջ խնդիրներ են առաջացնում արևային վահանակների համար նրանց շահագործման ընթացքում, և ավելի պակաս դիմադրողականություն ունեցող նյութերով պատրաստված արևային վահանակները դեգրադացվում են ավելի արագ, քան որակապես ավելի բարձր նյութերով պատրաստված արևային վահանակները։

Նյութերի դեգրադացիան կարող է հանգեցնել վահանակնոերի վաղաժամ քայքայման, ինչի արդյունքում կարող են առաջանալ էլեկտրական անվտանգության խնդիրներ, էներգիայի զգալի կորուստներ, ինչպես նաև արևային համակարգերի աղետալի խափանումներ, որոնց արդյունքում էլ երկարում է ներդրման գումարի հետգնման ժամկետը։

«Օհմ Էներջի»-ն հանդիսանում է գերմանական «AE Solar» GmbH-ի էքսկլյուզիվ ներկայացուցիչը Հայաստանում։