Արևային համակարգ և լիզինգ․ ՕՀՄ Էներջիի գրասենյակում գործարարների համար կազմակերպված միջոցառում այս թեմաներով

«ՕՀՄ Էներջի» ընկերությունը, կարևորելով արևային համակարգերի մասին իրազեկվածության բարձրացումը, 2021 թվականի դեկտեմբերի 16-ին «Արմենիան Լիզինգ Քամփնի» ՈՒՎԿ-ի հետ համատեղ կազմակերպել էր գործարարների համար նախատեսված միջոցառում «BUSINESS EVENT» խորագրով։

Միջոցառման ընթացքում գործարարներին ներկայացվեց արևային համակարգերում ներդրումներ իրականացնելու տարբերակները և որոշում կայացնելու ժամանակ հանդիպող ամենակարևոր հարցերի նրբությունները։ ՕՀՄ Էներջի ընկերության համահիմնադիր Գևորգ Հախվերդյանը ծանոթացրեց այս ոլորտում առկա միջազգային փորձին և պրակտիկ օրինակներով օգնեց ներկաներին տարբերակել երկարաժամկետ և կարճաժամկետ ներդրումների առանձնահատկությունները՝ հիմնավորելով, որ արևային համակարգերում ներդրումները արդարացվում են բացառապես որակյալ ապրանքներ օգտագործելու դեպքում։ Գևորգ Հախվերդյանի հավաստմամբ արևային համակարգերում ներդրումների արդյունավետությունը երևում է միայն սկսած 5-ից 6-րդ տարում, երբ ապրանքների մոտ նկատվում է մաշվածություն և այդ պայմաներում ընդհանուր կայանի արտադրողականությունը անկում է ապրում, եթե օգտագործված չեն լինում միջազգային ստանդարտներին համապատասխանեցված ապրանքներ։

Ներկաներին հետքաքրքրում էր նաև առանց նախնական մեծ գումարների՝ արևային համակարգերում ներդրումներ իրականացնելու հնարավորության տարբերակը սեփական տան կամ բիզնեսի համար, ինչին ի պատասխան նշվեց, որ լիզինգային և վարկային տարբերակներից օգտվելու դեպքում ամսեկան մարումը կազմում է գրեթե նույնքան, որքան այս պահին էլեկտրաէներգայի օգտագործման դիմաց իրականացվող վճարներն են՝ հաշվի չառած սպասվող սակագնի թանկացումը։ Հարցի մասնագիտական վերլուծությունը ներկայացրեց «Արմենիան Լիզինգ Քամփնի» ՈՒՎԿ-ի հիմնադիր տնօրեն Արսեն Բազիկյանը, ով լիզինգի ոլորտում գործունեություն է ծավալում 20 տարուց ավելի և հստակորեն տիրապետում է ֆինանսական շուկայի նրբություններին և առանձնահատկություններին։

Հանդիպան վերջում «ՕՀՄ Էներջին» «Արմենիան Լիզինգ Քամփնի» ՈՒՎԿ-ի հետ համատեղ ներկայացրեց «Արևային կայան +1 առաջարկը», որը գործարարներին հնարավորություն է տալիս մեկ լիզինգի շրջանակներում օգտվել արևային համակարգի ձեռք բերման տարբերակից սեփական բիզնեսին անհրաժեշտ մեկ այլ սարքավորում ունենալու հնարավորությամբ։

Բովանդակալից միջոցառումը ավարտվեց հյուրասիրությամբ, որտեղ ներկաները հնարավրություն ունեցան կիսելու իրենց կարծիքները և զարգացնել գործարար կապերը։