18.03.2022
Լուսինե Մուրադյանի հյուրերը կրկին «ՕՀՄ Էներջի» ընկերությունից են
«ՕՀՄ ԷՆԵՐՋԻ» ընկերությունը, ակտիվ համագործակցելով միջազգային առաջատար ընկերությունների և կառույցների հետ, կարողանում է տարբեր հարթակներում արդիական պահել Հայաստանում արևային էներգետիկայի ոլորտում ներդրումների իրականացման հարցը։ Այդպիսի համագործակցության վառ օրինակ է լիտվական կառույցների հետ ձեռք բերված պայմանավորվածությունները, ինչի արդյունքում այս տարի թվով 8 հասարակական հաստատությունների համար տեղադրվել են արևային կայաններ 85-90 % լիտվական ֆինանասավորմամբ։
Թեման ավելի մանրամասն ներկայացնելու նպատակով «ՕՀՄ Էներջի» ընկերության համահիմնադիր, կոմերցիոն տնօրեն Գևորգ Հախվերդյանը և տեխնիկական տնօրեն, տեխնիկական գիտությունների թեկնածու, դոցենտ Վահե Տոնոյանը հյուրընկալվել էին Հայաստանի Հանրային Ռադիոյի «Քո ձայնը» հաղորդմանը։
Խոսակիցների հիմնական քննարկվող թեման «Զարգացող երկրներում կլիմայի փոփոխության մեղմման և կլիմայի ադապտացման համար լուծումների և տեխնոլոգիաների ներդրում՝ փոխանցելով լիտվական փորձը» ծրագրի շրջանակներում տեղի ունեցող համագործակցությունն էր։ Ծրագիրը հետապնդում է արևային էլեկտրակայանների կառուցմամբ էլեկտրաէներգիայի մատակարարման բարելավման և դրա միջոցով կլիմայի փոփոխության մեղմացման նպատակներ։
Էկոլոգիական խնդիրների լուծման տեսանկյունից 8 հաստատությունների համար տեղադրված արևային կայանների արտադրության արդյունքում CO₂-ի արտանետումների քանակը տարեկան կրճատվում է 77 տոննայով։ Բացի այս, արևային կայանները ապահվելու են կրթական կառույցների համար զգալի խնայողություններ։ Եթե հաշվի առնենք նաև, որ բացի տեղադրվածներից կան արդեն ձեռք բերված պայմանավորվածություններ թվով 20-ի մասով, ապա կարելի է ասել, որ գումարային հնարավոր կլինի տարեկան ապահովել ավելի քան 50 մլն դրամի խնայողություն կրթական հաստատությունների համար։
Ստացված զրույցի ընթացքում քննարկվեց նաև արևային էներգետիկային առընչվող մի շարք այլ հարցեր, որոնք համառոտ կարելի է հետևյալ կերպ ներկայացնել՝
- Հայաստանում ինչպե՞ս զարգացավ արևային էներգետիկայի ուղղությունը և որո՞նք էին դրան նպաստող հիմնական գործոնները։
- Ի՞նչ հնարավոր տեխնիկական խնդիրներ կարող են առաջացնել արևային համակարգերը։ Ի՞նչ է ինվերտորը և ի՞նչ դեր ունի այս համատեքստում։
- Ինչպե՞ս են բանկերը (EBRD, KFW և այլն) նպաստում արևային էներգետիկայի զարգացմանը։ Ի՞նչ ստանդարտներ են առաջ քաշում նրանք և ո՞րն է նրանց վերահսկողական ֆունկցիայի էությունը։
- Մայիսի մեկից արևային էներգետիկայի ոլորտը կարգավորող նոր օրենք ուժի մեջ կմտնի։ Այսուհետ ի՞նչ հզորության տեխնիկական պայման կարող է ստանալ իրավաբանկան անձն առանց լիցենզիայի։
- Վրաստանում այս պահին իրականացվող ամենախոշոր արևային կայանի նախագծման աշխատանքները վստահվել են «ՕՀՄ Էներջի»-ին։ Որո՞նք են տարածաշրջանում առաջատար դիրքեր ունենալու հիմքերը։
Ամբողջական հարցազրույցը ստորև՝
