16.12.2024
Հայաստանի ազգային պոլիտեխնիկական համալսարանում կայացավ արևային կայանի բացման արարողությունը
Դեկտեմբերի 12-ին Հայաստանի ազգային պոլիտեխնիկական համալսարանում տեղի ունեցավ լիտվական կառավարության աջակցությամբ իրականացվող ծրագրի շրջանակում տեղադրվող արևային կայանի բացման հանդիսավոր արարողությունը։
Նկար 1
Այս կարևոր նախաձեռնությունն իրականացվել է «ՕՀՄ Էներջի» և «Solet» ընկերությունների համագործակցությամբ՝ Լիտվայի Բնապահպանության նախարարության աջակցությամբ։
Նկար 2
Ծրագիրն ուղղված է կրթական հաստատությունների էներգետիկ ինքնաբավության բարձրացմանը և կայուն զարգացման խթանմանը։
Նկար 3
Բացման արարողությանը ներկա էին համալսարանի ղեկավար կազմը, «ՕՀՄ Էներջի» և «Solet» ընկերությունների, ՏԿԵՆ ներկայացուցիչները։
Հայաստանի ազգային պոլիտեխնիկական համալասարանում տեղադրված արևային կայանը ոչ միայն կմեծացնի համալսարանի էներգետիկ արդյունավետությունը, այլև կծառայի որպես ուսումնական և հետազոտական պլատֆորմ՝ ապահովելով ուսանողներին նորարարական տեխնոլոգիաների ուսումնասիրման հնարավորություններ։
Նկար 4
Այս նախագիծը ևս մեկ քայլ է դեպի էներգետիկ անկախություն և ապացույց հայ-լիտվական համագործակցության արդյունավետության։
«ՕՀՄ Էներջի»-ն շարունակում է առաջնորդել Հայաստանի կրթական և հասարակական ոլորտների ընկերություններին էներգետիկ արդիականացման ճանապարհին։
