«Օհմ Էներջի» ընկերությունը «Կայուն Տեխնոլոգիաներ» խորագիրը կրող Էքսպո-Ցուցահանդեսում

«Օհմ Էներջի» ընկերությունը մասնակցել է «Կայուն Տեխնոլոգիաներ» խորագիրը կրող Էքսպո-ցուցահանդեսին։ Միջոցառումը կազմակերպվել էր Եվրոպական Միության Կայուն էներգիայի շաբաթվա շրջանակում՝ Երևանի քաղաքապետարանի կողմից, որին մասնակցում էին արևային կայանների, ջերմամեկուսիչ և ջրամեկուսիչ նյութերի, լուսադիոդային լուսատուների տեղադրմամբ զբաղվող շուրջ 20 ընկերություններ:

«Օհմ Էներջի»-ն հանդիսանում է Հայաստանում արևային կայանների նախագծմամբ և տեղադրմամբ զբաղվող առաջատար ընկերություններից մեկը,որը կարևորում է նման միջոցառումները և ներկայանում սեփական տաղավարով՝ ցուցադրելով մատուցվող ծառայություններն ու առավելությունները:

«ՕՀՄ Էներջի» ընկերության համահիմնադիր, կոմերցիոն տնօրեն Գևորգ Հախվերդյանը Հ1 հեռուսատաընկերությանը տված հարցազրույցի ժամանակ նշեց, որ ընկերությունը զբաղվում է արևային համակարգերի նախագծմամբ և տեղադրմամբ։Իրականցնում է մի շարք բարեգործական նախագծեր Հայաստանում համագործակցելով՝ Լիտվայի Բնապահպանությանը կից բնապահպանական նախագծերի կառավարման գործակալության հետ համատեղ, ինչպես նաև նախագծման և տեղադրման աշխատանքներ է իրականացնում Վրաստանում։ «Օհմ էներջի» ընկերության Մարքեթինգի բաժնի ղեկավար Գարրի Ղազարյանն իր խոսքում հավելեց, որ ընկերությունը ողջունում է նման միջոցառումների կազմակերպումը` մատնանշելով, որ նմանատիպ միջոցառումները բնապահպանության համար շատ կարևոր նշանակություն ունեն և անցումը դեպի կանաչ էներգիայի` կկրճատեն կոմունալ ծախսերը։

Կարևորելով հաճախորդների գոհունակությունն ու հավատարմությունը՝ «ՕՀՄ ԷՆԵՐՋԻ»-ն շարունակում է բարելավել որակի բարձրացման մեթոդները և կարճ ժամանակում հասցրել է շուկայում ուղեկցվել «որակ և հուսալիություն» տերմիններով։