Հայաստանում կրթության կազմակերպման որակի բարձրացում և խոշորամասշտաբ ծրագրեր արտերկրում․ «Խոշոր պլան» հաղորդման դիտակետում «ՕՀՄ Էներջի»-ն է

Արևային էներգետիկայի ոլորտում «ՕՀՄ Էներջի» ընկերությունը շարունակաբար ամրապնդում է իր դիրքերը նաև միջազգային մասնագիտական ասպարեզում։ Նմանօրինակ հաջողությունների հիմքն ընկերության կենտրոնացվածությունն է կրթական գործընթացներին և աշխատակիցների գիտական ձեռքբերումներին։ Այս ամենով պայմանավորված՝ ընկերությունն իր միջազգային գործընկերներին է ներկայացրել Հայաստանում զարգացման հնարավորությունները և ձեռք է բերել պայմանավորվածություններ՝ միտված Հայաստանում կրթության կազմակերպան որակի բարձրացմանը։

Հայաստանի դպրոցներում և մշակույթային հաստատություններում լիտվական կառույցների ներդրումների ներգրավումից բացի, այսօր «ՕՀՄ Էներջի» ընկերության համար օրակարգային է հայկական գիտագործնական զարգացվածության մակարդակի հերթական հաղթանակը Վրաստանում։ Այնտեղ կառուցվող ամենախոշոր արևային կայանի նախագծման աշխատանքները վստահվել են «ՕՀՄ Էներջի»-ին, քանի որ ընկերությունն իր տարիների գործունեության ընթացքում կարողացել է ապացուցել, որ ունի բավարար փորձ և իրականացրած նախագծեր նման ծավալների հասնող աշխատանքների իրականացման համար։

Գրանցած հաջողությունների հիմքը տեսնելով բացառապես կրթության և գիտական գործունեության մեջ՝ ընկերության հիմնադիրներն ու մասնագետները ակտիվ դասախոսում են համալսարաններում և այլ մասնագիտական հարթակներում։ Կրթության որակի նկատմամբ ունեցած վերաբերմունքի արտահայտման յուրօրինակ ձևերից մեկը վերը նշված համագործակցությունն է լիտվական կառույցների հետ։ Գործող ծրագրի արդյունքում 8 հասարակական հաստատություններում տեղադրված արևային կայանների թիվը 2022 թվականի ավարտին նախատեսվում է ավելացնել ևս 20-ով։

Միջոցառումների նպատակներից մեկը կրթամշակույթային հաստատություններում էլեկտրաէներգիայի օգտագործման համար իրականացվող ծախսերի զրոյացումն է արևային կայանների տեղադրման միջոցով։ Ծրագրի 85-90 %-ը ֆինանսավորում է լիտվական կողմը, ինչի արդյունքում նշված հաստատությունները զգալի ծախսեր չեն իրականացնում, բայց ունենում են էական տնտեսումներ։ Ծրագրի ավարտին նշված դպրոցների և մշակույթային կենտրոնների համար նախատեսվում է ապահովել տարեկան ավելի քան 50 մլն դրամի խնայողություն։ Հետագայում ակնկալվում է չսահմանափակվել միայն այս նախագծերով և այլ ծրագրեր ևս իրականացնել։

Նշված բոլոր թեմաների մասին «ՕՀՄ Էներջի» ընկերության ներկայացուցիչները պատմել են Իմ ռադիոյի «Խոշոր պլան» հաղորդմանը հյուրընկալվելիս։